നാനാത്വത്തിൽ ഏകത്വം

ശരിക്കും ഈസ്റ്റെരും  ഓണവും പെരുന്നാളും ഒക്കെ .. എനിക്ക് തൊട്ടു കൂട്ടലിന്റെ  വക ഭേദങ്ങൾ മാത്രം ആണ് 

ഓണത്തിന് അവിയല് കൂട്ടി അടിക്കും 

ഈസ്റ്റരിനു അപ്പോം താറാവ് സ്റ്റൂം  ചേർത്ത് അടിക്കും 

പെരുന്നാളിനും പശൂന്റെ തുട ചേർത്ത് അടിക്കും 

അടിച്ചടിച്ച് എന്റെ കരളു ഇന്ന് മതേതരം ആണ് 

സർവലൗകിക  മദ്യപാനത്തിന്റെ മഹത്തായ ഉദാത്തമായ അടയാളം 

ഒടുവിൽ  എന്റെ 

കരളു പറയും 

ഇതിലും ഭേദം 

നിൻറെ വർഗീയ വാദി സ്വപ്‌നങ്ങൾ ആണെന്ന് 

പ്രണയം എന്ന  ജിഹാദ് ആണെന്ന് 

ഉറുമ്പുകള്‍

ഇനി ഞാനെന്ന സ്വപ്നവും പേറി യാത്ര പുറപെടുമ്പോള്‍

കീറിയ തട്ടത്തിന്റെ വിടര്‍ന്ന കണ്ണുകള്‍ 

യാത്ര ആക്കാന്‍ ഉമ്മറ പടിയില്‍ 

നീ നനച്ചിട്ട നിന്‍റെ സ്വപ്‌നങ്ങള്‍ മാത്രം 

നഖങ്ങളില്‍ നര വീണ കാമം 

പൊടിക്കുന്ന രാവുകള്‍ ഇനി എത്ര ബാക്കി 

യാത്ര 

തുടരുന്നു 

എന്‍റെ കീറിയ നാറിയ  ചിന്തകള്‍ ഭക്ഷിച്ചു 

നിനക്ക് വിശപ്പടക്കാം 

നിന്‍റെ കുട്ടികള്‍ക്ക് മുലയൂട്ടാം 

ഒടുവില്‍ 

ഉദരം വിശക്കുമ്പോള്‍ 

ഒന്ന് കാറി തുപ്പുക

തുപ്പലുകള്‍ തിന്നാന്‍ ഉറുമ്പുകള്‍ വരിയായി വരും 

ഞാനും ....